गुरु पुर्णिमा बिसेष
Champions, शब्दद्वारा शब्दभन्दा परको दृश्य दिलाउन सक्ने माध्ययमका रुपमा बुझेका थियौ – पुस्तकलाई।
र त्यहि शब्दका मध्ययमद्वारा आफ्ना अनुभवलाई हमिसम्म पुर्याएर सहि मार्गनिर्देश गर्नुहुने सम्पूर्ण लेखकीय गुरुहरुप्रति आभार प्रकट गर्दछौ।
सुरुवात गरेका थियौ – काईलाबा Web को – आज अर्थात् गुरुपुर्णिमा कै दिनबाट – एक बर्ष अघि।
त्यहि पुस्तकभित्र शब्दहरुमा राखिएका गुरुहरुक अनुभवहरुलाई तपाईसामु पुर्याउने एक तरिका/जरिया या भनौ एक माध्ययमका रुपमा।
हामी हाम्रो उद्देश्यमा कत्तिको सफल भयौ – त्यो किटान गर्न सक्दैनौ – यद्दपि १ बर्सको अवधिमा दश हजार बढी visitors माझ पुग्न सकेकोमा हर्षित चै पक्कै छौ।
व्यस्तता र आफ्नै अल्झन-उल्झनका बाबजुद पनि हाम्रो अथक प्रयास जारि छ, हजुरहरुको साथ र प्रेमका लागि आभारी छौ।
गुरु पुर्णिमा – २०७८ यहाँ पढ्नुहोस।
गुरु – कोहि एक व्यक्ति होइन।
यो त एक अवस्था हो – जहाँ उत्कट प्रेम बग्छ, निस्वार्थ भाव र भावबिब्हल हृदयमा।
निस्वार्थ प्रेमपूर्ण भावबाट जीवन र जगतका हरेक मर्म बुझ्नलाई प्रेरित गरिरहने हरेक क्षण, चुनौती तथा अवस्थाहरु मेरा लागि गुरु समान छन्।
एकदमै कठोर, निर्दयी र निर्मम लाग्ने ती क्षणहरु पनि गुरु बनि पाठ सिकाईसकेपछि भने उत्कट दयाले भरिएका कोमल हृदयजस्तै हुदा रहेछन भन्ने बोध लाग्ने रहेछ।
ती सम्पूर्ण अवस्थाहरु – कहिले व्यक्तिका रुपमा आईदिनुभयो त कहिले शब्दका रुपमा आईदिनुभयो भने कहिले पुस्तकका रुपमा आईदिनुभयो त कहिले साक्षात अनुभवका रुपमा।
ती सम्पूर्ण अवस्थाहरुप्रति – जसले मलाई गुरुका भान झल्काईरहनु भयो या म भनु गुरु सम्झदा – ती भान सम्झन्छु, ती सम्पूर्णलाई गुरु-पुर्णिमाको शुभकामना।
कहिले फुलका बासना बनि आइरह्यौ ,
कहिले माकुराका जाला भनि आइरह्यौ,
सिकाएरै गयौ – उद्देश्य त्यहि थियो तिम्रो।
फूलमा भमरा आएझै रमि रमि आइरह्यौ।
सम्पूर्ण गुरुजनप्रति हार्दिक नमन 🙏🙏
